Apple казнет со 533 милиони долари: Еве што се случува кога некој ќе украде нечија интелектуална сопственост

Компанијата Smartflash подесе тужба во месец мај 2013-тата година, наведувајќи дека софтверот на Apple, iTunes, ги прекршува нивните патентирани права кои се однесуваат на пристапот и складирањето на преземените песни, видео содржини и игри.

Судот во Тексас наложи компанијата Apple да плати казна од 532.9 милиони долари (469.4 милиони евра), оценувајќи дека нивниот софтвер iTunes неовластено користел три патента во сопствеништво на тексашката компанија Smartflash .

Smartflash кој е специјализиран за лиценци, побарал оштета од 852 милиони долари. Судот оценил дека Apple намерно и без дозвола ги користел патентите на Smartflash .

Компанијата од Купертино има намера да вложи жалба на судската пресуда и соопшти дека оваа одлука претставува нов мотив за реформа на системот за интелектуална сопственост со цел да се ограничи можноста за компаниите кои самите не произведуваат одредени производи, како Smartflash, да отпочнуваат судски постапки.

Smartflash ја поднесе тужбата уште во месец мај 2013-тата година, наведувајќи дека софтверот iTunes ги прекршува нивните патентирани права кои се однесуваат на самиот пристап и складирање на преземените материјали.

Apple од друга страна пак оценува дека не постои никакво прекршување и побара поништување на патентите, бидејќи претходно патентирани пронајдоци се однесуваат на истата технологија.

Адвокатот на Smartflash изјави дека компанијата е сосема задоволна со пресудата во која е потенцирано дека се работи за своеволното и долготрајното прекршување направено од страна на компанијата Apple.

Smartflash поднесе тужба и поради непочитување на интелектуалната сопственост против Samsung, HTC и Google.