Неверојатно е што преживеа овој возач на Range Rover

Застрашувачки тешка сообраќајна несреќа помина со неверојатен епилог, откако еден Range Rover Evoque се пролизга на замрзнат пат и буквално скокна од надвозникот, паѓајќи на патот под него. Безбедносните камери го снимија целиот инцидент кој се случил во Сочи во Русија минатиот викенд.

Во првото видео се гледа како еден возач на Lada речиси губи контрола, но успева да се спаси во последен миг, а веднаш потоа компактниот Range Rover Evoque, возејќи многу побрзо од безбедното за такви услови, буквално полетува по ударот во оградата.

По падот од 20 метри, неверојатно е што возачот не само што ја преживеа несреќата, туку и со малку помош од случаен минувач успеал да ја отвори вратата и да замине без речиси никакви проблеми.