Motorola DynaTAC 8000x (1984)
Омилениот телефон на Гордон Гек и Дел Бојо беше првиот комерцијален телефон претставен во 1984 година. Тој тежеше повеќе од 900 грама и чинеше околу 4.000 долари.
Nokia 3310 (2000)
Сите го знаеме како „неуништливиот“. Еден од најуспешните модели на компанијата Nokia е продаден во преку 100 милиони примероци. Сите имавме воспаление на палците од играње „Змија“.
TMobile Sidekick (2002)
Овој модел не беше толку застапен кај нас, но поради неговата QWERTY тастатура е запомнет на светскиот пазар.
BlackBerry 6230 (2003)
Иако беше наменет за бизнис корисници, сите го купуваа поради тастатурата, екранот и батеријата.
Motorola Razr V3 (2004)
V3 е телефон кој меѓу првите ги спои модата и технологијата. За тоа време имаше одлична камера за правење фотографии од 640 x 480 пиксели.
Sony Ericsson W880 (2007)
Додека со здужени сили правеа телефони, Sony и Ericson го претставија овој музички телефон со капацитет од еден гигабајт за 900 песни.
Nokia N95 (2007)
Претставен во време кога Nokia владееше со пазарот, овој телефон имаше се` што корисниците бараа: 2,6 инчен дисплеј, одлична батерија и камера од пет мегапиксели.
iPhone (2007)
Оригиналниот модел доаѓаше со дисплеј од 3.5 инчи и камера од два мегапиксели. Воедно, тој го најави бранот на паметни телефони.
Samsung Galaxy S2 (2011)
Јужнокорејскиот одговор на iPhone донесе камера од осум мегапиксели и дисплеј од 4.3 инчи. Овој телефон имаше огромен успех меѓу корисниците.
Xiaomi Mi Note (2015)
Овој модел е доказ за растот на кинеската индустрија. Тие станаа петтиот производител на мобилни телефони во светот. Овој модел доаѓа со дисплеј од 5.7 инчи и 13 мегапиксели камера.
