Наполи синоќа водеше со 2:0 до 72-ра минута, но домаќините до крајот можеа да останат без ниту еден бод. Сите четири погодоци беа постигнати во второто полувреме, а резултатот го отвори Марек Хамшик во 51-ва минута од мечот.
12 минути подоцна Игуаин со мајсторски удар го совлада Самир Хандановиќ за 2:0, но гостите од Милано не се предадоа. Паласио намали на 2:1 во 72-ра минута, а во самиот финиш се избори за пенал.
Ударот од белата точка го изведе Мауро Икарди, а неговиот темперамент во финишот на мечот може да се опише како лудо-храбар. Младиот Аргентинец прилично самоуверен во своите способности на мајсторски начин - со популарната „паненка“ го совлада голманот на Наполи и го постигна својот 15-ти гол сезонава.
