Пример за една од најбезбедните лозинки во светот

Досега имаме пишувано многу совети за тоа како треба да се заштити дигиталниот живот со помош на силна лозинка. На компјутерот му е потребно помалку од минута за да открие нечија лозинка од осум или помалку знаци. Но, не се грижете, Едвард Сноуден откри пример за тоа како треба да изгледа една добра лозинка.

„Лошите лозинки се едни од наједноставните начини за да се компромитира системот. За многу едноставна лозинка од осум знаци може да е потребно помалку од минута за да мине компјутерот низ сите можности и да ја открие“, изјави Сноуден во емисијата Last Week Tonight со Џон Оливер.

Според Сноуден, треба во предвид да се земат фразите кои лесно се паметат, а се многу ефикасни.

„Размислете за некоја фраза што ви одговара, треба да биде предолга за да се пробие, а не се наоѓа во речникот“, вели Сонуден, кој за пример ја даде лозинката „margaretthatcher100%sexy“.