Видеото објавено на ЈуТјуб, кое прикажува дете кое се дави, го насочило вниманието кон опасноста при пливањето на најмладите без надзор, па дури и во базен преполн со луѓе.
Не е познато каде е снимено видеото од детето кое во паника одвај ја држело главата над површината на водата. За среќа, му помогнала членката на спасувачката служба, која откако го забележала, скокнала во базенот и во рок од 5 секунди го извлекла на безбедно.
Ова видео нагласило една работа - колку е тешко да се забележи кога е некој во опасност, па дури и кога е окружен со други луѓе. Сето тоа може да изгледа како некоја игра. Според податоците на експертите за безбедност во вода, речиси половина од децата кои се дават, се на околу 20 метри оддалечени од своите родители или други возрасни лица. |
