Британката Софи Кеј не верува во брзите решенија за слабеење што секојдневно се рекламираат со разни „пред и потоа“ фотки кои наводно покажуваат неверојатни резултати. За да покаже дека не постојат магични третмани таа на својот блог напиша текст меѓу кои спомнува и дека не треба да се верува на таквите селфи фотки, бидејќи најчесто не се одраз на вистинската слика.
Софи која е блогерка и се занимава со фитнес, објаснува дека за слабеење е потребно многу време и вежбање, како и дека нема скратен пат до витката става.
За да покаже дека таквите фотографии се лажни, таа објави две свои фотографии во „пред и потоа“ стил, за кои напиша дека се направени со временска разлика од само пет минути, во кои го изгасила горното светло, ја сменила облеката и направила поза која е поатрактивна и ги истакнува добро цртите на телото, додека истовремено ги крие маните.
Во интервјуто за Independent, Софи објаснува дека таквата пропаганда и здосадила бидејќи поттикнува нереална слика за делото.
„Мојата цел е да им помогнам на луѓето со вежби да се чувствуваат подобро во своето тело, а не да наликуваат на некој друг. Особено не на некој што не изгледа како што се покажува на фотографиите“ - вели таа.