Престигнување камиони, like a boss

Престигнувањето големи товарни возила може да биде голем предизвик за возачите бидејќи имаат ограничена видливост што може да доведе до погрешни одлуки и несакани последици. За да го реши тој проблем Samsung дојде на идеја да ги направи камионите „транспарентни“ за да им ја олесни работата на автомобилите зад нив.



Samsung инсталираше монитори на своите камиони во Аргентина, а технологијата може да биде применлива во денски и во ноќни услови на возење.

Системот се состои од камери кои се наоѓаат на предната маска на камионот и четири големи LED екрани кои се поставени на задната страна од приколката. Камерите се насочени да го снимаат патот пред камионот, а сликата се пренесува на екраните за возачите зад шлеперот да можат да видат дали е безбедно да се престигнува.

Идејата не е нова, но Samsung ја спроведе на дело и во пракса покажа дека е изводлива. Во компанијата се надеваат дека ваквиот систем во иднина ќе спасува животи.