Нов светски рекорд во забрзување од 0 до 100 километри на час

Студентите од Универзитетот во Штудгард го создадоа електричното возило Green Team кое од 0 до 100 километри на час забрзува за 1,779 секунди, со што го подобри досегашниот светски рекорд за 0,006 секунди.



Неверојатниот резултат е постигнат благодарение на четирите електромотори кои заедно нудат 136 коњски сили. Преносот на силата се одвива преку сите четири тркала, а формулата тежи само 160 килограми.



Соодносот на силата и тежината е еден од главните адути за забрзувањето, а колку за споредба Green Team има подобар сооднос од Bugatti Veyron Super Sport и од Porsche 918 Spyder.

Новиот светски рекорд се уште е неофицијален, а наскоро се очекува неговата официјална потврда со која ќе обезбедат влез во Гинисовата книга на рекорди.