Финалната епизода од петтата сезона, според она што го пренесува TorrentFreak постави нов рекорд. Епизодата преку пиратските сајтови за осум часа била симната над 1,5 милиони пати и се очекува во следниве денови таа бројка да достигне над 10 милиони симнувања.
Бројката на 1,5 милиони симнувања за осум часа е прилично импресивна, бидејќи минатата година бил неопходен половина ден за да се достигне истата.
Епизодата била симната од корисници од сите разни земји, со тоа што серијата е особено популарна помеѓу гледачите во САД, Обединетото Кралство, Канада, Индија...
Воедно финалето постави и уште еден рекорд. Имено, истиот торент во исто време во еден момент го споделувале 258.131 корисник, што е најголема бројка досега.
„Game of Thrones“ изминативе три години се наоѓа на врвот на листата најпиратирани серии, а со оглед на овие податоци, со сигурност ќе се најде на врвот на листата и во 2015-та.
