Смртта на едно дете од шарлах не би предизвикала реакции за време на ужасната епидемија која се ширела низ Европа и Северна Америка во 1800-тите. Но Семјуел Џи, високо ценет доктор во Англија, открил нешто многу чудно додека вршел аутопсија на телото на 7-годишно момче во Лондон во 1870 година. Иако повеќето симптоми биле слични на шарлах, ова тело имало траги од болест која досега никој ја немал забележано.
Пронајдоците на пост-мортем биопсијата на Џи, зачувани во само еден пасус напишан во 1871 година, забележале знаци на штета наречени аневризми во коронарните артерии на површината на срцето на момчето. Во зафатените области, главните крвни садови кои снабдуваат крв до срцето биле надувани како балони поради заслабените ѕидови на садовите.
Овој случај претставувал загатка за Џи, кој често ги студирал детските пациенти додека работел во Свети Бартоломеј во Лондон. Немоќен да ја реши мистеријата, тој ја направил втората најдобра работа: го зачувал срцето на момчето во формалин и создал медицински феномен кој треба да го решат идните генерации. Срцето пловело во теглата повеќе од 100 години пред неговата важност да биде откриена – доказ за најстариот случај на Кавасаки болест во светот.
Овој случај претставувал загатка за Џи, кој често ги студирал детските пациенти додека работел во Свети Бартоломеј во Лондон. Немоќен да ја реши мистеријата, тој ја направил втората најдобра работа: го зачувал срцето на момчето во формалин и создал медицински феномен кој треба да го решат идните генерации. Срцето пловело во теглата повеќе од 100 години пред неговата важност да биде откриена – доказ за најстариот случај на Кавасаки болест во светот.
Покрај ревматската срцева болест, Кавасаки болеста е водечката причина за срцеви проблеми кај децата во високоразвиените земји. Модерната медицина може да третира најмногу од пациентите со оваа болест ако се дијагностицира доволно рано. Но, прогресот е лимитиран, и сé уште не знаеме што ја предизвикува. Болеста била прв пат медицински препознаена од јапонскиот доктор Томисаку Кавасаки во 1967 година. Некои истражувачи мислеле дека станува збор за непознат вирус. Други велат дека е токсичен бактериски фунгус. Во 80-тите, некои медицински експерти донеле хипотеза дека болеста е резултат на агенти кои можат да покренат преголема реакција кај имунолошкиот систем. Никој нема задоволителен одговор.
„Најчесто оваа дијагноза повлекува голема паника и нервоза кај родителите, кога ќе дознаат дека станува збор за непозната болест без дефинитивна дијагноза и никаква причина“, вели Грег Чин, претседател на Фондацијата за Кавасаки болест, која ја создал кога неговиот првороден син се разболел од неа во 1998 година. „Кога родителите дознаваат дека болеста потенцијално предизвикува трајно оштетување на срцето на нивното дете, нивото на стрес е ’до небото’“.
Во САД, најчесто оваа болест се појавува кај децата со азиско потекло. По нив доаѓаат Афро-американците, Мексиканците и белците. Болеста е почеста кај момчињата, отколку кај девојчињата. Најчесто пациентите имаат 5 години или помалку, а просечната возраст на заболениот од Кавасаки има 2 години.
Типични симптоми на оваа болест се јазик со изглед на јагода, осип по целото тело, лупење на кожата на прстите, потечени лимфни жлезди на вратот, зацрвенети очи и суви усни.
Иако не знаат точно со што оваа болест може да се излечи, докторите знаат како да ги третираат симптомите и да ја намалат болката кај децата. Се третира со вбризгување на големи дози на гама глобулин интравенозно. Станува збор за вид на имуноглобулин, кој содржи антитела деривирани од плазмата на повеќе донатори на крв.
Третманот е ефективен при спречувањето на создавање на артериски аневризам кај 20 посто од пациентите. Но, пациентите кои не примаат терапија можат да ја развијат оваа понаредна фаза на болеста, што може да доведе до срцев удар, и во најлош случај, предвремена смрт.
„Ова е ужасна ситуација во овој век, кога медицината е толку напредна, а вие треба да им кажете на родителите дека не знаете што не е во ред со нивното дете и која е причината за неговата болест“, вели Ен Роули, специјалист по педијатриски инфективни болести. „Имаме третман, но не знаеме како функционира. Детето може да остане со доживотна болест на срцето. Тоа е сé што модерната медицина може да им каже“.
Денес, Јапонија ја има највисоката стапка на заболени од Кавасаки болест, а бројките сé уште растат. Годишната просечна бројка за последните неколку години е околу 200 на 100.000 деца под 5-годишна возраст. Јужна Кореја и Тајван се наредни на оваа листа.
Освен во Азија, во современи услови оваа болест често се појавува и на Хаваи, која е држава од САД со најголем број на случаи на оваа болест според бројот на жители.
Гледајќи ја оваа шема, истражувачите почнале да се запрашуваат дали ветерот игра улога во оваа болест, конкретно ветриштата кои создаваат сезонски феномен познат како „жолт песок“ или „азиска прашина“. Секоја пролет, правта од пустината Гоби во северна Кина и Монголија влегува во атмосферата и патува на исток, кон други делови на Кина, Јапонија и Кореја. За прашината понекогаш се залепуваат и честичките од загадениот воздух во Кина. Иако оваа теорија не е потврдена, засега истражувачите се на добар пат да најдат можен одговор за тоа дали Кавасаки болеста е последица на повој токсичен прав.
Педесет години откако Кавасаки го пренел своето име на оваа мистериозна болест, многу работи се промениле. Повеќе доктори знаат за неа и се сомневаат дека децата со вакви симптоми кои не реагираат на антибиотици ја имаат, што значи дека болеста постигнала одреден степен на препознавање. Тоа значи, за среќа, дека има повеќе преживеани кои боледуваат од неа, но мистеријата за нејзиниот причинител сепак останува нерешена.
