Словенците имаа 13 поени предност, но на крајот мораа да се помират со поразот. Дамјан Рудеж во продолжение постигна две клучни тројки, а „змајчеки“ не успеаја да погодат од линијата за тројка.
Бојан Богдановиќ уфрли 24 поени, а Анте Томиќ оствари 15 скока за Хрватите.
На овој меч судеше најдобриот македонски судија Александар Милојевиќ.
Важна победа забележа и Израел кој ја декласира Белгија со 87:69 и остана во игра за втората фаза. Израелците беа одлични во третиот период кога шутираа 12 од 15 од поле, вклучувајќи и четири тројки. Афик Нисим реализира 23 коша за победниците.
