Почеток на дождливи денови и пад на темерпатурите од утре ни најавуваат метеоролозите.
За утре, метеоролозите од Управата за хидрометеоролошки работи, најавуваат дека во западните и северните подрачја ќе има локален повремен дожд, слично време ќе следи и во следните неколку денови.
- Во четврток се очекуваат врнежи од дожд на повеќе места, локално проследени со појава на грмежи. Во петок ќе има изолирана појава на дожд, а во вечерните часови и во сабота ќе дува засилен северен ветер со заладување и опаѓање на температурата, велат од УХМР.
Дневните температури ќе се движат од 26 во планинските региони до максимални 30 степени во котлините.
