Малку недостастуваше фудбалерот на Барнли со својот опасен старт да ја загрози кариерата на Немања Матиќ на саботниот натпревар помеѓу Челси и Барнли (1:1) во рамките на 26-то коло во англиската Премиер лига. Начинот на кој реагираше Матиќ беше најмногу за жолт картон, се согласуваат многу новинари и струњаци на Островот.
Поранешниот фудбалер на Јунајтед, Гери Невил на својот профил на Твитер напиша: „Матиќ имаше целосно право да реагира така, а во контекст на тоа што се случи, неговата реакција не беше за црвен картон“.
Коментирајќи за радио БиБиСи, поранешниот англиски репрезентативец Крис Вадл изјави: „Тоа беше страшен старт. Тоа е најлошиот можен старт во фудбалот, можеше да му ја скрши ногата. Секој играч би реагирал како Матиќ“.
„Судијата донесе погрешна одлука. Морате да го користите здравиот разум, а Барнс можеше многу лесно да му ја скрши ногата на Матиќ, па неговата реакција беше природна, стана и го турна. А Барнс не доби ниту жолт, додека Ивановиќ беше санкциониран поради расправија со судијата“, изјави поранешниот фудбалер на Арсенал, Пол Мерсон.
„Барнс имаше „пуштено“ нога и го удри фудбалерот на Челси во десната потколеница. Тоа е прекршок за кој денес се добива директен црвен картон. Исклучувањето на Матиќ го промени натпреварот“, пишува познатиот Дејвид Велш од "Sunday Times".