Зошто треба почесто да консумирате цреши?

Веројатно секој од нас знае колку се вкусни црешите, но не секој знае какви се конкретните бенифити за нашето здравје кога ги консумираме. Црешите изобилуваат со витамините А, Б и Ц, фолна киселина, калциум, калиум, железо, па како што може да забележиме, списокот од корисни состојки кај црешите е навистина долг.

Силната црвена боја која е карактеристична за овој плод се должи на при­су­ството на анто­ци­ја­ни­нот, кој прет­ста­вува пиг­мент кој е одго­во­рен и за пре­кра­сната боја на боровинките, капи­ните, виолетовиот кро­мид и зелка, но и цве­клото. Оваа расти­те­лна боја всу­шност помага и при разни запа­ле­нија и има моќ да ја намали болката.

Може да се користи при диети, но и при ублажување на болки при артритис, и како превенција од дијабетес, кардиоваскуларните болести и карцином.
Таа е богата со калиум, магнезиум и железо.

Бројни истражувања ги открија делотворните влијанија на црешата врз здравјето. Научници потврдиле дека црешата е одлична и за срцето, го намалува нивото на холестерол и го снижува високиот крвен притисок.

Неколку цреши дневно се доволни за вашата енергија да биде на навистина завидно ниво. Не заборавајте дека тие се и моќен диуретик кој ќе го реши проблемот со задржаната вода во организмот, а тоа е одличен начин за пред да заминете на летен одмор да се ослободите и од непосакуваниот целулит.