Цената на нападот на ѕвечарката: Лесно се доаѓа до противотров, но кога ќе ја видите сметката...

Во текот на терапијата кај пациентите кои биле гризнати од ѕвечарка просечно се трошат по 12 шишенца со противотров, а цената на едно е вртоглави 5.000 долари!

Тод Фаслер, маж од Сан Диего, речиси двапати ќе починел како последица од напад на ѕвечарка. Најпрво додека да го прими потребното количество на противотров, а потоа и откако видел дека во болницата добил сметка од неверојатни 150.000 долари!
За приказната да биде уште повеќе бизарна, ѕвечарката го гризнала додека тој се обидувал да се фотографира со неа, па Фаслер и ден денес се запрашува дали тој потег бил навистина паметен.

Фаслер сега за лекарската услуга треба да плати неверојатни 153.161 долари, а американските медиуми во меѓувреме и дознале зошто е тоа токму така.
Всушност, после гризнувањето, во текот на терапијата, се трошат во просек околу 12 шишенца со противотров, а цената на само едно такво е вртоглави 5.000 долари, бидејќи на американскиот пазар нема конкуренција, односно засега постои само еден производител, пренесува ABC.

Според проценките на Центарот за контрола и превенција на болести на подрачјето на САД, змиите годишно напаѓаат околу осум илјади луѓе, но на крајот најмногу шест лица завршуваат со смртни последици.

ТОП10 ОК ?

1 2 3 4 5 6 7 8 9 20ОТ О