Авантуристот Путин со подморница до дното на Црното море

Рускиот претседател Владимир Путин е познат по своите авантури, а овој пат со подморница се спушти до дното на Црното море. Нуркачи во мај, на дното на Црното море пронајдоа остатоци од брод кој најверојатно потекнува од времето на Византија.



Путин во рамките на тридневната посета на Крим реши со мала подморница да се спушти на тоа место и лично да го види потонатиот брод.

Претседателот на Русија е познат по својот авантуристички дух, па ваквиот потег кој следува по ловењето разни диви животни, возењето формула и летањето со борбен авион, не е големо изненадување.

Според Кремљ, претседателската посета на Крим е промоција на туризмот.