Секоја жена знае, може и треба да биде убава, вистинска, моќна, совршена. Ако не за целиот свет, тогаш за себе и за оној кој заспива во нејзините прегратки.
Вистинската жена знае како да го извлече најдоброто од себе. Свесна е за своите таленти и работи на нив. Постојано се усовршува, бара инспирација, макотрпно работи на нејзината кариера, со силен чекор го бара своето место под сонцето.
Таа знае како да ги одбере вистинските зборови за вистинскиот момент. Има зборови за љубов, за радост, за нежност, за утеха, но и зборови кога треба да објасни зошто боли и зошто плаче.
Не се срами да признае кога нешто не знае. Исто како што не се срами да влезе во продавница и да одбере секси долна облека за очите на нејзиниот партнер.
Колку што е нежна и грижлива за нејзиниот маж, толку е дива и моќна низ постелата.
Се труди да биде добра во кујна. Иако краде рецепти од интернет, ги крие загорените тенџериња, ја прави тортата по вториот обид, бидејќи првиот бил неуспешен.
Убавата жена знае како да искомбинира повеќе од две бои, да стави накит, да се нашминка и да си ја среди косата, а притоа да не изгледа како новогодишен лампион.
Знае дека кога е во недостиг на аргументи во кавгите со својот сакан може да продолжи со бакнежи.
Знае до каде се границите на нејзиниот морал, но е свесна дека нејзините соништа се безгранични.
Автор: М.К. | Црнобело
