Бејл дебитираше со гол, Реал освои само бод

Герет Бејл имаше успешно деби во дресот на својот нов клуб, но неговиот Реал Мадрид не успеа да го победи Вилјареал. Велшкиот репрезентативец го постигна својот прв гол за израмнување на гостите од 1:1, но до крајот „жолтата подморница“ се избори за конечни 2:2 и вреден бод против најскапиот тим на Реал на сите времиња.

Натпреварот одигран во рамките на 4. коло на шпанска Примера започна со одлична игра на домашниот тим чии играчи ја искористија својата одлучна и организирана игра за да поведат преку Кањи во 21. минута. До крајот на полувремето Реал израмни преку Бејл кој немаше проблем да реализира од неполни два метри по асистенцијата на Карвахал.
Во вториот дел, мадридскиот клуб првпат поведе и тоа со голот на Кристијано Роналдо, но Џонатан Дос Сантош во 70. минута донесе израмнување и златен бод за Вилјареал.