Кој вели дека жените не се солидарни? Токму спротивното го покажала Патриша Аркет, која на 87-то доделување на Оскарите ја освоила златната статуетка за најдобра споредна женска улога во филмот "Boyhood" на Ричард Линклатер.
Аркет, примајќи ја наградата, повикала на еднакви плати за жените во САД - тоа било момент кој го обележал целиот настан.
"Оваа награда е за секоја жена која родила, за секоја жена која плаќа данок и è државјанин на оваа земја: Се боревме за сечии права и еднаквост. Сега е време мажите и жените да бидат платени еднакво за својата работа и да почнеме да се бориме за правата на жените во Америка", рекла Аркет, што предизвикало бран од воодушевување кај публиката - посебно од славните Мерил Стрип и Џенифер Лопез.
Ова е прв Оскар за оваа 46-годишна актерка, која во оваа категорија се натпреварувала со Ема Стоун (Birdman), Лора Дерн (Wild), Кира Најтли (Imitation Games) и Мерил Стрип (Into the Woods).
Филмот е интересен по тоа што бил сниман 12 години, а го следи растењето на детето од неговата 5-та година, па се до полнолетството.
