Шеќеринска:Власта се плаши од документите за криминалот во Центар

Заменик претседателот на СДСМ Радмила Шеќеринска денеска од Прилеп порача дека реакциите на ВМРО-ДПМНЕ околу апсењето на претседателот на Советот на општина Центар Мирослав Шиповиќ покажале дека биле во право, дека целиот случај е воден од една и единствена цел , ВМРО ДПМНЕ да си го превземе Советот под своја контрола.

„ Желбата е да се добие мнозинството во Центар и да се рекомпонира Советот.Таму каде што не успеаја да со Пустец сега се обидуваат да профитираат со полициски акции.Истрагата треба да продолжи и ние како СДСМ нема да се мешаме . Ни како што СДСМ не смее да биде суд, не смее ни ВМРО-ДПМНЕ да биде суд.МВР не смее да одлучува кој е виновен а кој не во оваа Република Македонија. Ако сакаат да докажат дека целта била правната држава а не политиката, ова беше погрешна одлука“, изјави Шеќеринска.

Власта, рече, очигледно се плаши од се поголемиот број документи кои излегуваат на површина и покажуваат криминал и корупција, не само за „Скопје 2014“, туку и за многу бизнис релации и бизнис интереси од врвот на власта

„ Можат еден по еден да ги апсат и советниците и сите нас . Но ние нема да престанеме .Секој ден ќе излегуваме со овие документи“, изјави заменик претседателот на СДСМ.
На крајот, посочи Шеќеринска, вистината ќе излезе на виделина.